 |
| جو هورمونات |
هاااار إسود... الأطفال دى عايشة فى جو كرتونى لطيف جداً فيه الأرنوب بيتجوز الأرنوبة و الدبدوب بيتجوز الدبدوبة،
مش فاهم حاجة؟! طب ثوانى أجيب من الأول :
...............................................................
بص يا سيدى، من يجى سنة و أكتر فى شوية ناس فافى من بتوع الجامعة الأمريكية على شوية ناس مفقوعة (.....) مشيها مراراتها من إعتصامات و عمل سياسى كان منقرض أيام الرئيس اللى فات على شوية ناس عاطلين بسبب الغباء السياسى و التخلف الإقتصادى فى الدولة فـ قعدو قدام فايس و تويتر، إتلمو على بعض و بعدين إختارو ميدان التحرير و قعدو فيه بايتين شاربين نايمين واكلين مبسوطين مضروبين مقتولين مخنوقين مدبوحين و فى الأخر الكامبينج باين قلب رايف بارتى يوم 11 فقراير قبل اللى فات
فى عز الأيام دى وقت لما الحكومة قررت تعاقب بقية الشعب و قطعت عليه نت و تلفزيون و موبايل و مية و نور، كنا كلنا (أو معظمنا عشان محدش يزعل) عايزين الناس دى تروح، مننا الإخوان اللى قالو (طب ماتسبوهم يخبطو دماغهم فى الحيط و إيه اللى هيحصل يعنى)
و السؤال دة إتسأل للفنان آسر يس عن طريق تامر أمين لو فاكرينه: "طب لو مبارك ممشيش، هتقعدو هناك على طول؟"
و بعدين ناس قالت: طب روحو و لو طالبتكو ماتحققتش إرجعو
و مع إنى لحد دلوقتى مش فاهمة تبرير لهجمات موقعة الجمل أو إحتلالات مارس و ما بعدها، أو محمد محمود و مجلس الوزرا، (بمعنى أدق مش فاهمة الحكومة خايفة ليه أن الناس تحتج بإنها تقعد فى الشارع و يا ريت محدش يقولى سير العمل عشان تلاتربع محلات مصر فارشة على الرصيف و إحنا أصلاً معندناش عمل عشان يبقالو سير)
بس الواحد كان مطمن و بيصبر نفسه بالأيام بتاعة التحرير و كلمة: لو محصلش التحرير مفتوح
أهو التحرير بقى مرض و موضة مستهلكة و كمان بيعاقب بالضرب بالجزم و السحل و الكهربا بعد فقع العيون و القتل لا و فى الأخر بقى "إستروجن فرى زون"
شوية الأطفال اللى معتصمين اليومين دول و المسميين بالرجالة، مش عارفين أن 70% من ستات مصر فى مختلف الأعمار بيشربو سجاير و يمكن أكتر من الرجالة (الرجالة بطلت عشان عرفو أن السجاير بقت تخليهم ميعرفوش)
شوية الأطفال دول فاكرين أن أول ما الواد منهم يدخل خيمة مع بنت هيقلعو (طب هما كا مراهقين و ولاد فهايجانين، بس كمان معندهمش مخ يفكرو أن اللى عايز يعمل كدة مش هيبقى فى الشارع)
شوية الأطفال دى عاملين حظر تجول عالستات لعشرة بالليل (طب إفرض مامت حد مالعيال دى جيبالهم ساندويتشات؟!)
دة فى ناس أعرفهم مش فاهمين أساساً الألتراس عاملين إعتصام ليه (وهو حد كان خد حقو قبل كدة ولا حرارة اللى راحلهم حد قبض عاللى عماه)
خلاص حتى التحرير بقى أرخص من عقب السيجارة
سلام
ليست هناك تعليقات:
إرسال تعليق