قالك إيه قالك أه، قال يعنى مصدق اللى بيجرى، و النيل اللى هو إحنا مشاركين فيه مع تمن تسع دول (لو كنت حاسب السودان بنفرين) عايزين يئلشونا و بعد ما عبد الوهاب غنى و قال
"المية تروى العطشان، و تطفى نار الحران، يا جمالها و الحوض ماليان، و انا عايم على وش المية"، وصلنا دلوقتى لـ"عطشان يا صبايا دلونى على سبيل"
فى عقد بيتكتب بين الشُركا إسمه عنتيبى، إنت حصتك كذا و إنت حصتك كذا، و إنت خد الصابونة، و محدش عزمنا و بعد كدا طلعوا فى التلفزيون و قعدو يتكلمو كتيييييييييييير، و فى الآخر بردو محدش فهم حاجة
بس قوللى الأول إنت مالك؟ هو أنت شريك؟ طبعاً إنت دلوقتى مستعد تخرم عينى و تقولى: عايزانا نسكت لحد ما يقطعو علينا الميه؟!
أقولك أنا:
-المية اللى إحنا بنشربها دى بتجيب الفشل الكلوى، و أمراض تانية كتير دة غير الطفيليات إللى عايشة فى دمنا من المية دى (و انا بتكلم على المية النضيفة اللى الناس اللى فى مصر الجديدة و الحتت اللى أصلاً فيها مية نضيفة مش بنى أو خضرا)
-المية بتاعت النيل بيترمى فيها مية المجارى بتاعت ستين فى المية 60% من سكان مصر (يعنى مخلفات خمسين مليون مواطن، فلاحين و صعايدة معندهمش شبكة صرف صحى) ده غير المجارى بتاعت المراكب السياحية
-المية بتاعتنا الأجانب اللى عايشين هنا بيسقو بيها الجناين بس مايشربوهاش للكلاب بتاعتهم (فى سوبرماركتات عايشة على صناديق المية المعدنية اللى الأجانب بيشتروها، همة بيستهلكو 24 إزازة، يعنى كرتونتين فى اليوم، الكرتونة بـ 14 جنيه)
-المية بتاعتنا بيترمى فيها دشليون متر مكعب سنوياً من مخلفات المصانع من مواد كيميائية مسرطنة و لو مش مصدق أعرف ان معظم السمك اللى بناكله من مزارع سمكية عشان السمك مات من الكيماويات
تاخد بق؟
سلام
بس قوللى الأول إنت مالك؟ هو أنت شريك؟ طبعاً إنت دلوقتى مستعد تخرم عينى و تقولى: عايزانا نسكت لحد ما يقطعو علينا الميه؟!
أقولك أنا:
-المية اللى إحنا بنشربها دى بتجيب الفشل الكلوى، و أمراض تانية كتير دة غير الطفيليات إللى عايشة فى دمنا من المية دى (و انا بتكلم على المية النضيفة اللى الناس اللى فى مصر الجديدة و الحتت اللى أصلاً فيها مية نضيفة مش بنى أو خضرا)
-المية بتاعت النيل بيترمى فيها مية المجارى بتاعت ستين فى المية 60% من سكان مصر (يعنى مخلفات خمسين مليون مواطن، فلاحين و صعايدة معندهمش شبكة صرف صحى) ده غير المجارى بتاعت المراكب السياحية
-المية بتاعتنا الأجانب اللى عايشين هنا بيسقو بيها الجناين بس مايشربوهاش للكلاب بتاعتهم (فى سوبرماركتات عايشة على صناديق المية المعدنية اللى الأجانب بيشتروها، همة بيستهلكو 24 إزازة، يعنى كرتونتين فى اليوم، الكرتونة بـ 14 جنيه)
-المية بتاعتنا بيترمى فيها دشليون متر مكعب سنوياً من مخلفات المصانع من مواد كيميائية مسرطنة و لو مش مصدق أعرف ان معظم السمك اللى بناكله من مزارع سمكية عشان السمك مات من الكيماويات
تاخد بق؟
سلام
ليست هناك تعليقات:
إرسال تعليق