صباح الخير و عيد خرفان سعيد
انا موجوعة سيدى الرئيس، انا عارفة انك مالكش ذنب، و إحنا كمان، انا عارفة انهم متحكمين فى كل حاجة و جابرينك، و إحنا كمان مجبورين
انا كان نفسى تفهم انك هاتتحاسب قدام ربك اللى نجحت بإسمه، حتى لو كلنا عارفين انها لعبة بس فى ناس من راعياك مش فاهمة اللعبة، فى ناس صدقتك، ناس مش لاقية تاكل، و ناس عايشة فى جهل بتئذى بيه نفسها و غيرها
كان نفسى اعيش فى بلد، كان نفسى احس انى بشر، مش عدد، كان نفسى اشوف حواليا بشر، اشوف انسان له كرامة، اشوف ناس راضية مش هاقول مبسوطة، نفسى اكون فرحانة و انا بقول انا مصرية...
من اكتر كلمات البحث فى جوجل اليومين دول :الخرفان، طبعاً حضرتك عارف ليه
سيدى الرئيس، ان ماكنتش هاتتحاسب قدام ربك بحجة الضرورات تبيح المحظورات، فهاتتحاسب قدام التاريخ و قدام العالم، مش سهلة زى ما قالولك
مش سهلة، انا عارفة ان فيه الف طريقة يسكتوك بيها و يهددوك بيها، بس فى حاجة ربك ادهالك عن كل البشر اللى فى العالم: القدرة على التغيير، القوة انك على الأقل من غير ما تخاف ورا ظباط و جيش، لمدة لحظة واحدة، تقول للمصريين، انا غلطان... انا هاصلح الغلط
لحظة واحدة، لأن ولا محمد بديع ولا خيرت الشاطر هايتوسطولك و انت واقف بين إيدين ربك، هاتكون لوحدك، فسبهم دلوقتى بمزاجك، قبل ما مايكونلكش عازة و تترمى زى اللى قبلك على سرير، بمحكمة أو مرض أو رصاصة
انا كان نفسى بس احس اننا بشر، مش عدد أو مواشى أو خرفان
بس يا مرسى، مش طالبة كتير
سلام
انا موجوعة سيدى الرئيس، انا عارفة انك مالكش ذنب، و إحنا كمان، انا عارفة انهم متحكمين فى كل حاجة و جابرينك، و إحنا كمان مجبورين
انا كان نفسى تفهم انك هاتتحاسب قدام ربك اللى نجحت بإسمه، حتى لو كلنا عارفين انها لعبة بس فى ناس من راعياك مش فاهمة اللعبة، فى ناس صدقتك، ناس مش لاقية تاكل، و ناس عايشة فى جهل بتئذى بيه نفسها و غيرها
كان نفسى اعيش فى بلد، كان نفسى احس انى بشر، مش عدد، كان نفسى اشوف حواليا بشر، اشوف انسان له كرامة، اشوف ناس راضية مش هاقول مبسوطة، نفسى اكون فرحانة و انا بقول انا مصرية...
من اكتر كلمات البحث فى جوجل اليومين دول :الخرفان، طبعاً حضرتك عارف ليه
سيدى الرئيس، ان ماكنتش هاتتحاسب قدام ربك بحجة الضرورات تبيح المحظورات، فهاتتحاسب قدام التاريخ و قدام العالم، مش سهلة زى ما قالولك
مش سهلة، انا عارفة ان فيه الف طريقة يسكتوك بيها و يهددوك بيها، بس فى حاجة ربك ادهالك عن كل البشر اللى فى العالم: القدرة على التغيير، القوة انك على الأقل من غير ما تخاف ورا ظباط و جيش، لمدة لحظة واحدة، تقول للمصريين، انا غلطان... انا هاصلح الغلط
لحظة واحدة، لأن ولا محمد بديع ولا خيرت الشاطر هايتوسطولك و انت واقف بين إيدين ربك، هاتكون لوحدك، فسبهم دلوقتى بمزاجك، قبل ما مايكونلكش عازة و تترمى زى اللى قبلك على سرير، بمحكمة أو مرض أو رصاصة
انا كان نفسى بس احس اننا بشر، مش عدد أو مواشى أو خرفان
بس يا مرسى، مش طالبة كتير
سلام
