 |
| الخروف تربية الحمار |
طب أُمال إيه بقى، مادام كلنا فاهمين:
-الأكل (أنبوبة البتجاز و توقف إنتاج رغيف العيش)
-المواصلات (البنزين و السولار و الإضراب)
-الكورة (عقوبات النادى المصرى)
-الحرب الأهلية (البورسعيدية قفلو البلد يا رجاله)
يبقى مين اللى بينفذ الأوامر، مين (اللى فاهم) و يساعد على الغلوشة الإعلامية المنظمة، و هو عنده مخ (تقريباً)، و هو عارف الصح و الغلط، الحلال و الحرام، اللى بيطلع مطواه أو مسدس فى مظاهرة، و اللى بيدى بالروصية و اللاكاكيم فى طوابير البنزين و البوتجاز، اللى بينقل الخبر و يهول و يزود عليه مستردة و كاتشب، مين؟
مصرى؟!
لأ دة طلع الخروف، أصل الخروف النونو دة، كلمة تجيبه و كلمة توديه، سايب دماغه لناس مديهم فلوس عشان يفكروله، و يدخلوه الجنه من أسهل أبوابها، و يجبوله مرتب بالساهل و هو قاعد فى بيتهم، يطلب التليفون عشان يكلم الشيخ أو يشترى اللزقة السحرية اللى بتخسس أو تايجر كينج اللى بيتمنى أنها تخليه تايجر (الأسد الدكر) و كنج (الحاكم) فى بيته، أو طقم الملايات أو الطباق اللى بيتغرف فيها الأكل، بيشتغل عبد لكل الناس و أولهم رغباته و همة مخليينه فاكر أنه صاحب الكلمة فى حياته، و فى مستقبل مصر و شرف العذارى و الدافع الأول لإقتصاد البلد
إيه الدماغ دى، بتعملوها أساساً إزاى مع الناس؟ ده رائع (شابوه يا جماعة بجد)
الموضوع سهل جداً: مادام الأخبار زادت أوى، يبقى فى مصيبة هاتحصل
و أنا بدعو المواطنون الشرفاء أنهم يفضلو فى اللى همة فيه و زى ما مبدأهم فى الحياه الإستسهال، يبقو يسيبو موضوع تظبيط البلد للمظبطتية اللى إنتخابناهم و بلاش وجع دماغ، و خليك فى طبق الرز اللى قدامك
سلام
ليست هناك تعليقات:
إرسال تعليق