صح و غلط

فوق و تحت

صباح الخير يا كبير، إيه أخبار زبادى جهينة لكل حاجة و العكس

طلعت غلطانة انا، أه

الناس ناويين يعملو ثورة، مش ناويين يطنشو زى ما إفتكرت

بس زى ما نيوتن قال، لكل فعل رد فعل، مساوى فى القدرة و مضاد فى الإتجاه

يبقى كل حاجة و عكسها

العصاية و الجزرة

التهديد و الترغيب

العبط و الذكاء

الثورة و رمضان كريم

هى دى مصر: هنعمل إيه، المشكلة ان إحنا مش عارفين بنحارب مين بالظبط، إحنا محددناش حتى مين اللى عايزينه، إحنا مقضينها إتكالية فظيعة، حد تانى هو اللى بيقرر و الناس تنزل وراه

اننزل ضد مبارك يسايسونا و يشيلوه، نهدا و ننشكح، يضحكو علينا بإستفتاء، نتنرفز ناخد على قفانا و نسكت

ننزل ضد الجنزورى، يطنشونا لحد ما الناس تنسى، مانسيتش الناس؟  تاخد على دماغك تانى

ننزل ضد التأسيسية، ضهرك للحيط، إصطفى مع الإخوان

ننزل نقول عايزين الرئيس الأول: طيب فكرة حلوة، بس الرئيس اللى إحنا عايزينو

ننزل لشهداء بورسعيد: لا جديد روحو يا عيال

و هننزل النهاردة عشان شفيق و بردو هانروح على المغرب، لأن إحنا عارفين اللى بيعتصم بيحصلو إيه

فى موت؟ اه فى موت، كتير، و فى حياة لسة فى مصر، هى قليلة بس موجودة

فى أمل؟

 أكيد

سلام