إيه أخبارك يا باشا؟ محتاس زى بقية الشعب فى الإمتحانات و الدروس؟
قفلت ورق المراجعة؟
عامة ماتقلقش، هاتتقضى فى اللجنة، ما المراقبين بردو عارفين الظروف و مقدرين؟
طبعاً مفهوم الكلام، ولا إيه؟
المشكلة هنا مش فى أى حاجة غير فى الأولويات، الأولوية أصبحت (من أن) الواحد بيتعلم عشان يتعلم، و (وصلت لأن) الواحد بيعلم عياله عشان يبقى معاهم شهادة
الواحدة دلوقتى بتتعايق بأن إبنها مابيعرفش يتكلم عربى
المسألة أجمد بكتير كمان من اللى أنا كتبته، خد الأجمد
السن من 4 سنيين لحوالى 11 سنة، إنت مش بتتعلم معلومات، إنت بتعلم إزاى تتعلم
إزاى تفكر و تحلل المعلومات اللى جايالك، بتفهم يعنى إيه عالم حواليك، دمر دة، يبقى أى اجة بعد كدة مالهاش لازمة
سهلة النظرية، نتكلم على التطبيق
المدرس: عايز ياكل عيش، الفصل فيه 60 تلميذ يعنى مش المهم هنا أنهم يفهمو، لا، المهم أنهم يتنفسو الأول، المناهج: أتكلم؟ بجد، مستنى كلام هنا!
النتيجة؟
بص حواليك
mission accomplished
سلام
ليست هناك تعليقات:
إرسال تعليق