 |
| الإخوان المسلمون مش الإخوان المسلمين |
زى ما أنت شايف و عارف أمن الدولة و إن الداخل مفقود و الخارج مولود، هتعرف يعنى إيه حب الإنتقام و السيطرة عند اللى يقعد فيه ساعة، هتعرف يعنى إيه رمضان فى عز الحر و طول ساعات الصيام لحد لما تلاقى كوباية مية على المغرب...
اللى كان بيعذب الإخوان فى السجون ماكنش مبارك، مبارك كان بقالو 7 سنين فى الغيبوبة خصوصاً بعد ما مات حفيده، اللى كان بيعذب الإخوان ده بيفكرنى بـ اللى بيربو البتبل و دوبر مان عشان مصارعة الكلاب، يضربوهم و يجوعهوم ويبهدلوهم عشان يخلوهم أشرس و ملهومش عزيز ولا غالى، عشان يخوفو بيهم اللى همة عايزينو
بس التريب هنا هو أن شباب الإخوان كانو بيتنومو من رؤسائهم على إن ده جهاد فى سبيل الله يروحو ياخدو العلقة بعد كدة فى المعتقل، يخرجو بعد كدة منشكحين و حسيين أنهم عملو اللى عليهم، يرجعو للى فوقيهم يتنومو تانى و يبقو مستعدين يموتو فى قمل الدولة (مش غلطة مطبعية)
لو كان النظام ( أو أياً من كان يحكم البلد) عايز يخفى الإخوان ماكنش ساب الراس و مسك فى الرجلين، كان مقعدش يتكلم عليهم فى التلفزيون و يطلق عليهم لوجو مميز إسمو (الجماعة المحظورة) و بالتالى مكنش هيطلع حاجة أصلاً إسمها سلفيين (لو جدع و ذكى تقولى ليه مخفهمش غير السبب اللى أنا قولته)
آخر حاجة بقى هية الولاء، أنت عارف أن الإخوان ليها فروع فى دول أكتر من الدول اللى مشتركة فى الليونز
إجابة أمس: محمد حسنى السيد مبارك: رئيس مصر، لم أرى غيره حتى الآن، (إلا إذا كان عمرك أكتر من37 سنة و بردو مكنتش توعى) عمره إقترب على التسعين، (لو عندك جد فى العمر ده هتفهم يعنى إيه) محاط بزوجة من متصابية لا تعى أبعد من ملابسها الأرمانى و أحذياتها الجوتشى، و إبن ساذج يطمح فى السلطة لأنه لم يعرف غيرها ، و إبن أخر إهتم بما يبقى فى النهاية وهو الجنيه
أشوفك بكرة
ليست هناك تعليقات:
إرسال تعليق