و زحمة يا دنيا زحمة، زحمة وتا...ها إيه دة جيت بدرى النهاردة؟ طب كويس... معاك مج النسكافيه و كام صباع بقسمات و الجبنة الكوباية... تمام تمام... أصل الموضوع كبير النهاردة، لو نسيت حاجة روح أنا مستانية هاكمل أحمد عدوية عقبال أما تيجى... هممم
ياعم انا وإنت بقالنا كام يوم دماغنا متصدعة بكلام فى كلام و ناس بترفض و تشجب و تعترض و لوك لوك لوك لوك حاجة زفت أه يابنى كان زمانًا دلوقت فى دريم بارك أنا وإنت و الشلة و مقضينها إيه فل... (خلى بالك دى بالضمة مش الكسرة) ما علينا
عندنا بقى ف مصر مولد كبيييير عمره ما ينفض يعنى مثلاً تلاقى ف نص المولد كدة الراقصة بترقص (أهم حاجة فى المولد هى الرقاصة، هى اللى بتجيب الفلوس) قدام النصبة بقى تلاقى الراجل اللى بياكل النار بعيد شوية (مش أوى يعنى) تلاقى حلقة الذكر و الإنشاد و إوعى تنسى تعدى عالراجل بتاع الحلاوة لازم نحلى بعد الفتة ولة إيه؟ أنت شوفت أوبريت المولد: أهوووة دهو،
لو واحد إتسرق منة محفظتو أو كليتو أو ثورتو محدش هيحس بيه
لو واحدة إبنها تاه أو ضاع ولا حتى جوزها هيعبرها (أيوة: فيلم المولد، أنا تقريباً ملذوقة فى التلفزيون) لو واحد بيصرخ من الألم هيقولو مبسوط شوية ولو واحد بيجرى من الفرحة هيقولو حرامى
بس نصحتى ليك و إحنا رايحين هناك إوعى تتوه عن نفسك
أما عن سؤالى إمبارح (أنا منستكوش) ك إسرائيليين (أو أى بع بع تانى) ك جهاز مخابرات يعنى: ليه يدفعو مرتب لموظفين عندهم عشان يجندو عميل يدفعولو فلوس بردو عشان يعرفو معلومات (أساساً موجودة عالنت) ل بلد زى مصر
قبل اما تاكل زمارة رقبتى إسمعنى للآخر
أه البلد مهمة بس إحنا قايمين بالواجب و زيادة ف فكنا بقى منهم، هما فكينهم منا و بيبنو بلادهم زى أى بلد فى العالم بس عشان مركب النقص اللى عند بعض الناس لازم يكون فى بع بع
سؤال اليوم من البيت بيتك... لا... نأسف عطل فنى
أشوفك بكرة
ليست هناك تعليقات:
إرسال تعليق