واحشنى بجد من إمبارح، ها عملت إيه، يارب تكون أخدت صور حلوة
أخر مرة رميتلك فى أخر الكلام سؤال محيرنى،هو الجيش قاصد ولة غصب عنه؟
عارفة عارفة والله أنا كمان مصدعة و منمتش من أمبارح، بس الموضوع كدة مش تمام ، أخر حاجة قالوها بتوع نظرية المؤامرة إن المجلس قاصد يذل فى الرعاية و المواطنين علشان يجمعهم كدة على بعض فى ميدان التحرير و يخلص منهم مرة واحدة
أيوة دة كلام ميصدقوش عيل فى تالتة إبتدائى ولكن... إنه قفاك
مش أنت بالذات يعنى، لكنه المواطن الذى يركب الأتوبيس أبو نص جنيه و كرشو مدلدل من القميص ماسك فى القضبان اللى فوق و بيبص من الشباك على الشارع فى قرف ملحوظ
قالولوا (أيوة ذى عادل إمام بالظبط) فى 26 و 27 يناير أن الإسرائيليين الأشاكيف هايدخولوا القاهرة عن طريق شباب الفيس بوك ، أيوا عليك نور فيلم الكرنك لقطة القهوة لما يقولوا أسقطنا طائرات العدو الغاشم
و عقبال أما وصلنا ل 11 فبراير ضحكوا عليه المسكين تانى و قالولوا (خد بالك -نفس الناس-) إلحق مش إحنا عملنا ثورة وكسبنا إتنين صفر
والمسكين فى الأخر (اللى هما اليومين دول) قالولواإلحق مش إحنا علشان أخر حلاوة و نقاوة بصولنا فى الثورة بتاعتنا و عايزين يدخولوا تانى! و النظريات شغالة على ودنو
و فى الأخر و صلنا للنتيجة دى من السكاف
بيان المجلس العسكرى: مصدر موثوق مش هنقول أسمه إدانا معلومات مش هنعرضها إن فيه حاجة وحشة مش هنقول هى أيه هتحصل من ناس أجانب من بلد مش هنقول إسمها
و فى وسط جو الغموض ده أسيبك، و أخش أنام بعد أكثر من 24 ساعة مع أغنية
maroon 5 ل wake up call
أشوفك بكرة
ليست هناك تعليقات:
إرسال تعليق