الأولة بسمله

قلنا الواحد يعمل بلوج بدل ما يجرى فى الشارع ذى المجانين أو ينزل التحرير و ياخدلو طوبة فى دماغه، و لهذا إليكم هذا الكلام الفاضى،
و أنا ماشية فى الشارع و كارهة البلد و اللى فيها (يا شماتة أبلة تازا فية) خبط فى لوحة كبيرة مكتوب فيهة   "إنتخبوا إبن الدايخة  " لسة بدعك دماغى و بقول اللهم إجعله خير رحت إتشنكلت فى فرشة سبح و بخور و لقيتلك اللى بيقول  " أعوذ ب الله من الشيطان الرجيم " لسة بأعتذر و بلف خدتللى طوبة فى بطنى جاية من ميدان بعيييييد بعييييد خير الله مإجعله خير
بس يا سيدى طب قولى إنت أروح فين و أجى منين
مانا عارفة هتقولى إعمليلك إعتصام أقفى بيه فى شارع و الناس هتتكلم عليكى
طب م العيال بتوع الإعتصام قعدولهم يجى تلت أسابيع ولا حد عبر أهلهم
هتقول خوديلك سكينة ف وشك و قولى أنتى من ضحايا التظاهرات و إهبشيلك كام ألف و عيشى بقى
يابنى أنت و انا لقيا وشى فى الشارع!!
عارفة عارفة فى الأخر هتقولى إتفرجيلك على العشق الممنوع ولا بائعة الورد و إنتى تنسى الدنيا و الأخرة
ماتقلقش حاولت و فشلت
مفيش غير حل واحد...
و الحل ده يخصك
بس مش هاقولو دلوقت عشان اللى كنت بنزلو من عالنت نزل خلاص و لازم أمشى
أشوفك بكرة