 |
| البحرين |
فهمت أخيراً و بعد جهد مضنى (مضنى دى يعنى بعد طلوع الروح)
كان سؤالى: أيام من 1 فبراير لحد 6، 7، 8 فبراير 2011، فى قمة الرعب، و السسبنس و الأكشن، و كل الناس فى كل البرامج التلفزيونية "الحكومية" اللى كان بيتفرج عليها عامة الشعب، و السؤال اللى عمره ما هيتشال من دماغى، اللى سأله تامر امين للممثل أسر يس لما كان بيكلمو من اعتصام التحرير
-"و هاتعملو ايه لو الرئيس فضل؟ هاتقعدو فى التحرير على طول؟"
و بعديها مجلس الوزرا، المرة دى الموضوع فضل متساب 21 يوم بدل 18 (بتوع الثورة) قبل ضرب النار مايشتغل، و ايام مظاهرات الاقباط عند ماسبيرو، دى اللى ماخدتش وقت تقريباً ضرب النار اشتغل طوالى، و اخيراً المجزرة الكبرى، وزارة الدفاع
لما السؤال فضل يلح و يصر، (الح يلح الحاحاً) ايه المشكلة؟ مايسيبو الناس تعتصم ولا تتنيل، ايه اهمية تفرقيهم اللى توصل لضرب النار؟؟
(أصر يصر إلحاحاً)
سرحان عبد البصير كارف عليا النهاردة
المهم، لقيت السيناريو بيتكرر فى البحرين، فى السعودية (بس فض المظاهرات باللى اقوى من النار، بالفلوس)، فى الكويت، و اخيراً بتونس
وجدتها... وجدتها
لما شوفت خوف الإخوان من جمعة حساب الميت يوم لدرجة العنف
بس فهمت لما الجزيرة و القناة الأولى و الفضائية المصرية غطت الخبر بتاع مليونية العزبة
ماينفعش انى أعرف ان فى ناس غيرى معترضة
ماينفعش اعرف انهم كتير
ماينفعش اعرف انهم مستعدين يضحو بحياتهم فى سبيل قضيتهم
لأنى لو عرفت...
سلام
ليست هناك تعليقات:
إرسال تعليق