تسمع عن الـMSG؟؟
 |
| إشتغل، إشترى، إستهلك، موت |
إسمه فى مصر الملح الصينى، وزارة الصحة مدخلاه البلد على انه ملح بس غالى شوية زى التوم الصينى و التفاح الصينى و كدة، بس هو أصلاً مش ملح ملح، لا هو ملح كيميائى، مش ملح أكل يعنى
البتاع الصينى ده مكسبات طعم، أيوان، زى ما تقرا على اكياس الشيبسى خالى من مكسبات اللون و الطعم و الرائحة، و الكلام الفاضى ده...
سيبك بقى ان الحاجات دى وحشة و بتجيب المرض البطال، لا المشكلة عندى انه بعد ما السعودية منعت تصدير الإندومى الصيامى الأخضر الغامق ده عشان فيه المادة دى، و امريكا حطاه فى جدول المكسبات انه يتحط بكميات معينة، إحنا فى مصر بيتباع عندنا فى أكياس بإتناشر جنيه، و الست المصرية بتعاير بالكبشة
أقولك الخبر الوحش وحش بقى، مصر بتستورد البتاع ده
و بنستورد الأستيكة
مصر مافيهاش مصنع أساتيك، الاستيكة اللى قربت تنقرض من العالم، بمعنى انهم اخترعوها و استخدموها و صدروها و استبدلوها بتكنولوجيا و إحنا لسة مش عارفين نعملها
بنستورد اللمون، أه اللمون، اللى عصرناه
بنستورد مهندسين أمريكان، و نرمى مهندسينا فى الزبالة
بنستورد سكرتارية أمريكانى، و فى مدرستى كان مدرس الانجليزى واد امريكانى قال للتلاميذ انه فى امريكا كان بيوصل بيتزا، و فى مصر بيقبض ستلاف دولار (اه انا بورجوازية)
بنستورد مخدرات، ايوة تلات ارباع استهلاك الخدرات من برة مصر
طيب فاضل ايه بعد كدة؟؟
هابى سته اكتوبر يا جدع
سلام
ليست هناك تعليقات:
إرسال تعليق