لا خير فى العالم لما الاقى الأخ جلعاد شاليط (و ياريت يغير اسمه، حد من الإخوان الإسرائيليين يقوله) بيتفرج زيه زينا على الدورى الأسبانى
إيه دة، العار على الناس دول لما يتهبلو بالكورة زيهم زينا... فينك يا إستر بولنسكى، فينك يا موسى حاييم، فين أى جاسوس بيحترم نفسه و الشغل اللى بيعمله؟؟
ده شوية شوية يشرب معسل على القهوة و يتكلم ع النسوان؟؟
لا مش شغل خالص ده يا عالم، أقول ايه و أعيد ايه، بطلو هزار بقى، و بعدين أحب أوجه عتاب شديد اللهجة للأخوة الإسرائيليين فى الموساد و وزارة الدفاع، ايه موضوع التهويش اللى على الحدود ده؟؟
لا ماحبش كدة، يا تضرب يا تسكت، لكن الغلاسة و الرزالة دى، معناها ايه؟
عايزين ايه يعنى؟
و بعدين مانا عارفة... عايزين سينا؟ إتفضلوها... اما نشوف هاتعملو إيه مع الجهاديين بقى، دول ناس مش زينا، بيفتحو التكيف فى أكتوبر و يلعبو انجرى بيردز و يبعتو بى سى، دول ناس عايشين فى الصحرا، يعنى الشيطان لامؤخذا بيستعيذ منهم
عايزين شغل رجالة، ده إحنا فى مصر اضعف ما نكون على مدار التاريخ، فرصة دهب.. دهب إيه دى الماظ، عايزين أبو سويلم يرجع يقول "كنا رجالة و وقفنا وقفة رجالة"
أو حريم، مانتو بناتكو اللى فى الجيش أرجل من رجالتنا عادى يعنى
المهم، بى بى ام بتاعكو عشان أعرف ساعة الصفر و كدة
يلا سى يو سوون
سلام
ليست هناك تعليقات:
إرسال تعليق