البقاء لله، لقد فقدت الدولة المصرية و الشعب المكافح، أحد أعظم الأشياء، و أثمن الأشياء، لقد فقدنا و خلصنا كارت الشحن...
إيه الاخبار؟؟ تمام؟ تمام... متأكد؟؟ ماشى خلاص متزقش
اصل انا عندى حق استغرب؟ ماهو الناس دى يا ذكية أوى يا غبية أوى، و المشكلة انى مش عارفة!
أكتر كمية كلام فاضى اتقالت فى الفترة اللى فاتت، علاج ببول الابل، فضايح الرئيس على العالم، إضراب المدرسين، إضراب الأطباء، تهجير مسيحيين رفح، مظاهرات الطلبة لتنزيل المصاريف، إعتصام النقل العام، مظاهرات الفيلم المسئ و المفروض اننا داخلين على انتخابات، و فى احزاب جديدة؟؟
لا ده كتير علينا أوى، و المفروض فى كمان استفتاء على الدستور، الموضوع ده كبير يا مدحت، خصوصاً ان انا سمعت ان السلع الاستهلاكية و انابيب البتجاز و البنزين و خلافه هايزيدو بعد انتخابات مجلس الشعب
الله؟؟ انت فاكرنى مش شايفاك من أخر الشارع؟؟
بتستهلكنى فى خناقات جانبية عشان ماخدش بالى من انك بتسحب اكبر كمية فلوس من القروض و ديون داخلية و مال عام، و انت فى نفس الوقت شاغلنى باراجوز لقمته بعد الليلة دى ماتخلص هاتبقى حوالى خمسين مليون بالميت، هو مش مبلغ على هاتخده انت بس يفرق معايا انا
لا انا اسفة، ماليش فيه، من الغباء ان الواحد يعمل صفقة مع الطرف الاقوى من مركز ضعف على انه يتفاوض من مركز قوة
كان ممكن تتلعب احسن من كدة، و اسال تركيا
سؤال اليوم: تعرف ايه عن الأستيكة؟
سلام
ليست هناك تعليقات:
إرسال تعليق