إوعى الفحت

يسقط الإستقلال

من المسخرة الأبدية إمبارح، لما الناس تعمل مظاهرة، و قبل ما تسألنى إزاى، و كيف تجرئى، نحب نتكلم عن شوية تاريخ:

عارف وظيفة المظاهرات إيه سنة 1919
1919، مفيش نت، مافيش تليفونات، مافيش تلفزيون، مافيش نوادى، أو خيم رماضانية، و كان الناس لما تتلم على بعض بيتقبض عليهم، فلذا كان لازم يبقى فيه مظهارات عشان الناس تعرف أن فيه مشكلة، فالباقى (الكنبة) يقلدوهم فالناس اللى فى السلطة تخاف من العصيان، و بالتالى زوال السلطة

كاااااااانت وسيلة ضغط


و زى مالناس قالت: إيه اللى هيضايق طنطاوى من ناس هتزعق و بعدين تروح على المغرب، و هو ممكن ينام و يبقى يتابع الملخص على ؟CBC

فبما إن الناس كلها عارفة، يبقى من باب أولى أنهم يتفقو الأول لأن ده هدف المظاهرات زمان
و لأن السلطة عارفة أن إتفاق الناس يعنى زوال سلطانهم، فمن مصلحتهم أنهم يفرقهوم

و قد تم

يبقى لما نروح التحرير و ندن فى مالطة و كلً يغنى على ليلاه، يبقى إوعى الفحت لتقع تحت

سؤال اليوم: يبقى إيه هى وسيلة الضغط؟

سلام