ماشى و بعدين
فكر معايا كدة، فى فـ مصر دلوقتى حوالى تلتميت ألف مواطن مالوش سيرة غير أبو إسماعيل و مليون زيهم مالهمش سيرة غير الإخوان و الشاطر، و إتنين و عشرين مليون بيتكلمو على الرئاسة بوجه عام، أما الباقى فا بيتكلم يأما هانطبخ إيه النهاردة، يأم هناكل منين النهاردة، و قلة قليلة هانخرج فين النهاردة
أنا عايزاك تكسر الموضوع حبة حبة معاية
تخيل أنك متجوز (أو متجوزة) و شريك حياتك بيختار لون الحيط، مش مهم، خليه يتسلى، و لكن اما يجى يتكلم فى مكان السكن أو تعليم الولاد، فـ ده موضوع من الأهمية أنك تاخده لوحدك، لأنك مش بتثق فى حد أكتر منك، صح؟
يبقى حاول تدى شريك الحياه حقه أنه يقول رأيه بس أنت عشان (وغد ذكى) هتشغله بالخوف و الرعب و الإختيارات المعقدة، مش هتديه فرصة يفكر أو يعرف معلومات أكتر، المهم عقبال أما يجى معاد الإختيار، هيكون يأما وافق على رأيك يا إما قال "إختار أنت يا حبيبى"
أنا قولت أريح الناس كلها و أجيب مرشح ما يختلفش عليه إتنين (فاطمة)
مافيش بنى آدم فى مصر ما بيحبهاش، و أكيد أى مصرى على الأقل شاف حلقة من المسلسل، فاطمة أمورة، من طبقات الشعب الكادح، قوية الشخصية و واجهة يعنى و أهم حاجة أن كريم هيبقى الفيرست مستر
إتفقو معايا عليها، و بعد كدة نقلق براحتنا على المصرى اللى هيجيبوه فى أراب أيدول و مين إتقتل فى الدقهلية، و هنجيب البنزين منين
تمام كدة
سؤال اليوم: نومك تقيل؟ كام كيلو؟؟
سلام
تخيل أنك متجوز (أو متجوزة) و شريك حياتك بيختار لون الحيط، مش مهم، خليه يتسلى، و لكن اما يجى يتكلم فى مكان السكن أو تعليم الولاد، فـ ده موضوع من الأهمية أنك تاخده لوحدك، لأنك مش بتثق فى حد أكتر منك، صح؟
يبقى حاول تدى شريك الحياه حقه أنه يقول رأيه بس أنت عشان (وغد ذكى) هتشغله بالخوف و الرعب و الإختيارات المعقدة، مش هتديه فرصة يفكر أو يعرف معلومات أكتر، المهم عقبال أما يجى معاد الإختيار، هيكون يأما وافق على رأيك يا إما قال "إختار أنت يا حبيبى"
أنا قولت أريح الناس كلها و أجيب مرشح ما يختلفش عليه إتنين (فاطمة)
مافيش بنى آدم فى مصر ما بيحبهاش، و أكيد أى مصرى على الأقل شاف حلقة من المسلسل، فاطمة أمورة، من طبقات الشعب الكادح، قوية الشخصية و واجهة يعنى و أهم حاجة أن كريم هيبقى الفيرست مستر
إتفقو معايا عليها، و بعد كدة نقلق براحتنا على المصرى اللى هيجيبوه فى أراب أيدول و مين إتقتل فى الدقهلية، و هنجيب البنزين منين
تمام كدة
سؤال اليوم: نومك تقيل؟ كام كيلو؟؟
سلام
ليست هناك تعليقات:
إرسال تعليق