يحكى عن بلد فسادستان، ان النخبة فيها بتحب تثبت للشعب انها نخبة
فمثلاً بيحبو يعلقو على قفاهم يفط بتقول: الحلوة ماشية تكيد الاعادى "النمر المميزة فوق القانون"
النخبة فيها بتسافر بلاد برة عند احسن دكاترة عشان تشيل عضمة زيادة فى المخ اسمها عضمة "المسؤلية"
فمثلاً بدل ما النخبوى منهم (سواء قاضى ولا لوا ولا عقيد جيش ولا موظف درجة تانية) ما يمارس عمله بإيده أو يتأكد ان شغله تم على أكمل وجه، بيطلع فى التلفزيون أو فى الجرايد أو يكلف حد من صبيانه يشتكى و يقول، "معلش اصل صوباعه الصوغنن فيه واوا و بتوجعنا أح"
و لما بيسافرو برة عشان يشيلو العضمة دى، الدكتور بيستأصلهم غدة الأحساس، فبيفقدوه
فمثلاً النخبوى منهم اللى بيقبض عشروميت دشليار زورار فى الشهر، عارف ان حد من الشعب الغير النخبوى مش لاقى يعالج ابنه أو بنته أو امه، بس مهم للغاية عنده انه يغير ديكور مكتبه، أو يجدد قاعة الحكم (تجديد صالون مجلس الشعب و الشورى) بكذا مليون
النخبة مش النشطاء، النخبة و ولاد النخبة عايشين فى بلد موازى، و الطبقة الوسطى كذلك، حتى الطبقى الدنيا عايشة لوحدها بقوانينها
كل واحد عايش فى الكوكب بتاعه
سلام
ليست هناك تعليقات:
إرسال تعليق