صباح الفل، أخبارك؟ تمام؟
الإنسان فى اى مكان فى العالم فى اى زمن فى التاريخ، فى أى جنس و أى دين، و أى عرق
عنده ديل
أيوة انت قريت صح، عنده ديل
لا؟ أنت إيه اللى عرفك؟ شوفت الناس كلها، راجعت ورا بشرى بشرى! لا طب بتتكلم على اساس إيه؟
الدراسات العلمية، و الدكاترة بتوع التلفزيون و العينات العشوائية اللى مصورينها بتقول كدة، انت بتطلع فى التلفزيون؟
مادام ماتعرفش يبقى تاخد كلامى و انت ساكت، عشان بيتكتب فى الجرنال و بيطلع فى التلفزيون
و إعرف ان أهم حاجة أن انت تصدق
و إعرف إن إنت الهدف
أصل لازمته إيه أنى أدفع فلوس و أجيب ناس تتكلم و أكرر نفس الكلام طول النهار و الليل
و أكرر
و أكرر
و أكرر
و أكرر
و هاكرر يمكن حد ماسمعش
لحد ما تبقى حقيقة و هاتبقى حقيقة
و عدم تصديقها مش هايبقى المشكلة، المشكلة هاتكون نسيانها أو تجاهلها
ِو الإنسان بيلعب بديله
سؤال اليوم: ودنك بكام يا جحا؟
سلام
ليست هناك تعليقات:
إرسال تعليق