إعتذار واجب، معلش يا باشا، أجازة من سياسة بلاد العجائب اللى إحنا عايشين فيها، بس أثمرت والله
لا انا مبهورة، حقيقى
إيه ده؟ إزاى؟ هو فى كدة فى العالم؟!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أسمحلى أنبهر بالمسلسل الحكومى اللى غطى على مسلسلات رمضان و الحلقات الأجنبية بتاعة لوست، اللى عمرى ماكنت هلاقى مسلسل هلوسة زيه
توفيق عكاشة يا جدع، دانا كدة ممكن أبتدى أشك فى سعد زغلول و جمال عبد الناصر!
و نستمر نزولاً فى جحر الأرنب
بغض النظر أن موعد الثورة الثانية بكرة (و ياريت ماتتأخرش زى كل مرة و نكون عاملين حسابنا على أكل -مجلس الوزرا- و شاش و قطن تحسباً) بس انا عندى هاجس انها هاتكون كبيرة و حاشدة، بس زى كل مرة هاتروح أخر النهار
مع أن الناس جابت أخرها و الإخوان "الأذكياء" بدل مايكتمو الموضوع خلو اللى معرفش يعرف
مع أن المشاكل دلوقتى مع حكومة قنديل أبو هشام بموت على طول
مع أن الرأى العام مالوش سيرة غير قرارات الإخوان العشوائية من الربكة اللى لقيو نفسهم وسطها
بس الناس بقالها شهر بتاكل قطايف باللحمة المفرومة، و بتتفرج على رقم مجهول، الطبقة المتوسطة لسة هاتسافر المصيف، و الطبقة الفقيرة لسة بتتألم فى صمت
مافيش هدوء، مافيش عنصر المفجأة، دى متحضرلها خطة ألف و باء و تاء، فى مجاميع، و تعامل، و تصعيد لحد الخوف بدون بروباجاندا
خالتى أليس بتسلم عليك
بس عكاشة يا مصر، خلاص، البشر الطبعيين خلصو؟!!!
سلام
ليست هناك تعليقات:
إرسال تعليق