انا غلطانة انى بحط اى بوست فى اى كلام عن الجنس، لأنى لازم بعد كدة أنزل جزئ تانى أشرح فيه الموضوع
نشرح،
أولاً مفهوم الكبت الجنسى مش كل جوانبه سيئة، لأن قلة الممارسة الجنسية أساساً بتهدى الواحد (ده مع قلة التعرض للمهيجات يا بابا، ماتقوليش انتى غلطانة و انت طول الليل بتتفرج على بورن)
ثانياً تقنين الممارسة الجنسية (فى إطار الجواز) و -مع إعتراضى- التأكد من وجود غشاء البكارة، مخلى العالم العربى من أقل البلدان فى العالم فى إنتشار الأمراض الجنسية
الغلط اللى كنت أقصده التركيز على النقطة دى بالذات، و تحويل المرأة من إنسان خلق ليحاسب، لأداه (ناقصات عقل و دين)
شوفت الموضوع سهل إزاى، بسيط إيزى، أعترف بالضعف الإنسانى، مش كنقطة ضعف و لكن كجزئ من الحياة عشان مايستولاش على دماغك، إعترف ان المرأة جزئ هام من المجتمع، و ان حبسها فى البيت يشل نصف المجتمع، انها مش اداة لتسيير الحياة، انها انسان
افهم ليه البلوج بتاع غشاء البكارة اخد viewing اكتر من البلوجين بتوع السايبر سكس، طب إزاى، إيه المهم أوى فى ان مراتك ماتكنش غلطت مع حد، عايز تقنعنى انك برئ... عفيف.... عذراء (مش البرج)؟!!!
اللى يهمَك (و يهمِك) عن شريك حياتك هو عدم تكرار الخطأ (الإخلاص) مش الماضى، لأن الماضى ممكنك مايكنش فيه غلطات جنسية بس فيه غلطات أسوأ (ممكن تكون مراتك قاتلة محترفة، أو جاسوسة) ممكن!!
دماغك يا عم، المهم انك تلاقى حد صح، بيفكر زييك، بيحبك بجد، عنده مخ و قدرة و مسئولية للجواز نفسه و تكوين أسرة (صح ولا تبدل بواحدة عفيفة بدماغ باريس هيلتون)
أشوفك قريب
سلام
ليست هناك تعليقات:
إرسال تعليق