البلد فيها فلوس، و كتير كمان، و انا قولت ان لو الاخوان اذكيا، يلحقو يلمو اللى فيه النصيب و يكوتو
و الاخوان ماخيبوش ظنى فى لم الفلوس بس المشكلة الطمع
الاخوان قررو يطولو معانا شوية
البلد ديونها زادت، و الاسعار غليت، و الاستدانة فى الطالع، و احنا مش لاقيين ناكل، تبقى الفلوس فين؟؟
قعدو يوعدونا بانهار من عسل و قشطة، و مافيش، كل اللى شفناه من النهضة، خراب فى خراب، كل اللى بيتعمل هو محاولات هدهدة الشعب بالببرونة و تلطيش المعارضة، و رحلات مكوكية حول العالم للم الفلوس اللى هاتتسرق فى الاخر
خلينا نفترض حسن النية، مؤسسات و وزارات البلد مليانة فساد على صغير، بمعنى معظم ميزانيتها بتتصرف على المرتبات و السرقات الصغيرة للمشروعات اللى بتتقاول جوانى، يبقى بدل ما اوجه كل طاقاتى للعمل الاعلامى و السياسى، اغير منظومة العمل الحكومى و احسن اداء الوزارات، و اورى الشعب نتايج و بالتالى اخرس المعارضة
طب و الانتخابات؟؟
اخ، فعلاً نسيتها دى
مانا عشان اعرف اسرق لازم اضمن ان ماحدش هايعرف يحاسبنى، بالتالى المجلس الموقر لازم اكون ضمنه او على الاقل محيده، طيب تولع البلد مؤقتاً لحد ماحط البرلمان فى جيبى
و جرحونى و قفلو الاجزاخانات، و عشمتنى بالحلق خرمت انا ودانى
قالولى النهضة و النهضة ماتمت خدها طائر النهضة و طار
سلام
ليست هناك تعليقات:
إرسال تعليق